maniya talkz: දඩයම.....හාවෙක්ද ..?? මුවෙක්ද...??

Sunday, July 15, 2012

දඩයම.....හාවෙක්ද ..?? මුවෙක්ද...??

මේ සිද්දිය වුනේ එකදහස් නවසිය බර ගනන් වල...මනියටත් ඉන්නව නැයො, ඈයො , වැයොන්ගෙ සහෝල බර ගැන්සියක්... මේක උනේ එයින් එකෙක්ට... මේකයි මායි ගජ ෆිට්...දවසක් දා ඔන්න අපේ නැයො , ඈයො සෙට් එක යනව චාරිකාවක්... ‍ගමන යන්න ඉන්නව හැටපන් කෝටියක් විතර...යන්න තියෙන්නෙ...ජුන්ඩි වැන් එකක් විතරයි... පිරෙව්ව පිරෙව්ව.. දැන් නම් ඇගිල්ලක් ගහන්නවත් ඉඩක් නැ...අන්තිමට මනියටයි ,මනියගෙ ෆිට් එකටයි සෙට් උනේ බඩු දාල තිබ්බ ඩිකිය... සීට් වල යන උන්ට වඩා  ඒක සැපයි කියල තේරුනේ,,, මනීයගෙ සහජ ඉව නිසා... ;)

කොහොමින් කොහොම හරි දැන් සියනැවෙ ඉදන් යනව යනව නව ඉවරයක් නැ... අපි ඩබලටත් මොකෝ...අනිත් සෙට් එක වගේ නෙවෙයි ,, හොදට අතපය දිග ඇරල යනව... ඔය අතරෙ  මනියට පේනව මගෙ ඉස්සරහ ඉන්න පොර ටික ටික ඇබරෙනව... එහාට මෙහාට දගලනව... මිනිහගෙ මූනත් හරිනැ .... මූන නිකන් ඇටිකෙහෙල් කාපු උගුඩුවෙක්ගෙ වගේ ... "මචන් මොකද්ද අවුල " මනිය අහුව... මූගෙ කිසිම ප්‍රතිචාරයක් නැ..."කියපන් යකෝ මොකද්ද තොට එක පාරටම උනේ"... මේක තවත් ඇබරෙනවා... "අයියේ මට හාවෙක් අල්ලන්න ඕන" මේක කියපි... ඉතින් යකො අවුලක් නැනෙ.... "වාහනෙ නවත්තන්න කියමු... " මනිය කිව්ව..... "බැ අයියෙ මට මාමලට කියන්න ලැජ්ජයි , නන්ගිල අක්කලත් ඉන්නව...මට ලැජ්ජයි.." ..... මේකට ලැජ්ජලු.... මනිය කියන්න හැදුවට ,, මනියට කියන්න දෙන්නෙත් නැ... මනියට බයයි මේක දැන්... ඩිකියෙ හාව අල්ලයිද කියලත්... මේක ඩිකියෙ හාව ඇල්ලුවොත් ඉතින් ඉදල හමාරයිනොවැ....
කොරන්න දෙයක් නැ.. වාහනෙත් යනව 100 ට 120 ට... මනිය ඉතින් කවදත් අවට ඇති ස්ම්පත් උපරිම ප්‍රයෝජනයට ගන්න සරල මනුස්සයනෙ... මනිය බැලුව වටපිට... ඩිකියෙ මොනාද තියෙන්නෙ කියලා... මනියගෙ... ටින් ටින් මොල කැටේට පොඩි සක්කල බරියක් පහල උනා... මේ තියෙන්නෙ හොද බඩුවක්... ගත්ත පෙට්‍රොල් දාන්න තිබ්බ හිස් කැන් එක.... "යකො තෝ අල්ලන හාවෙක් මෙන්න මේකටවත් අල්ලපන් මම අහකබලා ගන්නම්, නෙත්තම් තොට ලැජ්ජයි නෙ...." ,,,,,, "අයියෙ අක්කල බලයිද...".... "යකෝ කටවහගෙන ඔන්න ඕකට අල්ලපිය..."
මේකටත් ඉතින් කොරන්න දෙයක් නැතිම කමට අල්ලපි හාව, පෙට්‍රොල් කැන් එකට.... ඔන්න ඔහොමයි මනියගෙ මල්ලිකාරයෙක් හාවෙක් දඩයම් කොලේ....
පස්සෙ දවසක මනියට ආරන්චි උනා වැන් එක පෙට්‍රොල් නැති වෙලා පෙට්‍රොල් දාල මාස ගනනකට ගරාජ් ගතකොරල තියන්න උනා කියල.... ("හා" තෙල්වල පවර් එකට ;))



                          මේසිද්දිය නම් උනේනම් වැඩි ඈතක නෙවෙයි,,, ........සිද්දිය උනෙත්..... කොයි කවුරුත් දන්න... මනියගෙ ගජම ගජ ගජයෙක්ට.... මේක ගෙදර ගොහින් හොස්ටල් එන්න ගොඩ උනා වවුනියා  කොලඹ බස් රතේකට....මේකට ඊට කලින්දා රාත්‍රියෙ කාපු කොත්තුව චුට්ටක් අබ්ලික් වෙලා උන්නෙ... කොහොම හරි කුරුණැගලින් නැග්ග මේක කොහොම හරි දඹුල්ලටත් කිසි කේස් එකක් නැතුව ආව...මේක බස් එකට නගිනකොටත් බන්ඩිය ජුන්ඩ ජුන්ඩ සද්ද දදාලු තිබ්බෙ... දඹුල්ල පැන්න විතරයි... මේකගෙ අධෝමාර්ගෙ කිති කැවෙන්න ගත්ත... මේක දැන් බස් එක අතුලෙ බ්‍රේක් ඩාන්ස්, හිප්හොප්, උඩරට , පහතරට ,මැදරට , රජරට,,, තියෙන ඔක්කොම ඩාන්ස් දානව... බස් එකේයන ඇන්ටිල , අක්කලගෙ කුඩ පාරවල් කන්න ඔන්න මෙන්න... ඇයි ඉතින් .. මේකගෙ තියන කූපාඩිකම ඕන එකෙක්ට මූන බැලුවම කියන්න පුලුවන්....
      මුට දැන් ඉන්නම බැ... "මුවා" පනින්න ඔන්න මෙන්න... කොරන්න දෙයක් නැතිම කොට.. මේක දැන් හෙමින් හෙමින් ඩ්‍රයිවින් සීට් එක ලගට කිට්ටු වෙනව... මූට දැන් ඉන්නම බැරි කොට කියපි නේද ඩ්‍රයිවර් මාමට...

"අනේ බුදු මාමෙ , මට මුවෙක් අල්ලන්න ඕන..... අනේ කොහෙන් හරි නවත්තන්නකෝ , නැත්තම් මුවා මගෙ කලිසමේ".....


මල හත්තිලව්වේ... මේක හින්ද මුලු බස් එකම හෝදන්න බැ කිව්ව ඩ්‍රයිවර් මාමා... නැවැත්තුවෙ නැතැ බස් එක මහ කැලයක් මැද... බොන්න ගත්තු වතුර බෝතලෙත් අරන් මේක පැනපි නැතැ බස් එකෙන් එලියට...
(විනාඩි 10කට පසු )
අත්දෙක වන වනා ෆට්ට හැපි එකේ ආව ගොයියගෙන් ඩ්‍රියිවර් මාමා අහපි....

"කොලුවො මුවා උන්නද කැලේ"


"ඔව් ඔව් මාමෙ අල්ලුවයින් ඇල්ලුවෙ නැ මෙච්චර තඩි මුවෙක්....." කියාගෙන මේක රින්ගපි ආයෙත් අර ඇන්ටිල අස්සටම... ;)




දාමු බලන්න කොමෙන්ටුවක්...

5 comments:

  1. අපෙ අප්පේ මනියත් කියන ජරා කතා!!!පොඩි ළමයි කියන කතාද හැබෑටම!
    කොහොමත් මනියෝ..මම උඹට කියල තියනවනේ..ලෝකේ නිවනට මෙහා තියෙන්නේ සැප දෙකයි!
    එකක් "හාවා" දැමීම!!
    අනික "මුවා" ඇල්ලීම!

    ReplyDelete
    Replies
    1. යකො.... හාවයි අල්ලන්නෙ... මුවයි දාන්නෙ,,,, ;)

      Delete
    2. හරි හරි..කොහොම කෙරුවත් එකයිනේ..... ;)

      Delete
  2. හික්ස්.. මුවා ඇල්ලීම දැනගත්තේ අදමයි..
    ජය වේවා.. අදමයි මෙහෙ ආවේ..

    ReplyDelete
  3. හිකිස්.... පට්ට බුවෙක්නේ මෑන්

    ReplyDelete